Alimlər immuniteti gücləndirməyin asan yolunu tapdı
Alimlər immuniteti gücləndirməyin asan yolunu tapdı
Yeni Zelandiya alimləri immunitet sistemini gücləndirmək üçün C vitamininin gündəlik qəbulunu hesablayıblar. Məlum olub ki, artıq çəkidən əziyyət çəkən insanlara sağlamlıqlarını yaxşı vəziyyətdə saxlamaq üçün gündə əlavə iki alma və ya limon lazımdır. Əvvəllər bədən çəkisinin artmasının C vitamininin aşağı olması ilə əlaqəli olduğu sübut edilirdi, lakin yeni araşdırma göstərib ki, askorbin turşusunun miqdarı da çəki artımına təsir edir.
Xəbər verilir ki, bu barədə alimlərin fikirləri “Medical Xpress”də yayımlanıb.
“Hər 10 kiloqram artıq çəki üçün bir insana gündə əlavə 10 milliqram C vitamini lazımdır. Əldə edilən nəticələr bütün dünyada ictimai sağlamlıq üçün vacibdir. Xüsusilə hazırkı COVID-19 pandemiyası fonunda C vitamini immun sistemini dəstəkləmək və bədəni ağır viral xəstəliklərdən qorumaq üçün vacibdir.
Orta çəkisi 60 kiloqram olan bir insan gündə təxminən 110 milliqram C vitamini qəbul etməlidir – bu dozanı yalnız pəhrizi balanslaşdırmaqla əldə etmək asandır. Gündəlik C vitamini qəbulunu artırmaq asandır. Bu, C vitamini ilə zəngin qidalar və ya əlavələrlə edilə bilər”, – alimlər qeyd edib.
Aftafa.tv
