Putin Ərdoğandan “Bayraktar” istəyir? – Peskov açıqladı
Putin Ərdoğandan “Bayraktar” istəyir? – Peskov açıqladı
Avqustun 5-də Soçidə Rusiya və Türkiyə prezidentləri Vladimir Putinlə Rəcəb Tayyib Ərdoğanın görüşündə hərbi-texniki əməkdaşlıq mövzusu müzakirə olunacaq.
Bu barədə çərşənbə günü Rusiya prezidentinin mətbuat katibi Dmitri Peskov Rusiyanın “Bayraktar” pilotsuz təyyarələrinə marağına dair məlumatları şərh edərkən bildirib.
"İki ölkə arasında hərbi-texniki əməkdaşlıq daim gündəlikdədir və faktın özü onu göstərir ki, qarşılıqlı münasibətlərimizin bütün spektri çox yüksək səviyyədədir", - Peskov jurnalistlərə deyib.
Peskov əlavə edib ki, bu yaxınlarda Putin-Ərdoğan əlaqələrində hərbi-texniki əməkdaşlıq mövzusuna toxunulub. “Odur ki, “Bayraktar” mövzusu Soçidə müzakirə olunacaq", - Peskov deyib.
Aftafa.tv
