Cümə axşamı, 28 Mart

Türkiyədə güclü zəlzələ, 2 ölü, 50 yaralı - Yenilənib

image

Türkiyənin Düzce rayonunda 5,9 bal gücündə zəlzələ olub.

Xəbər verilir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Yerli vaxtla 04:09-də qeydə alınan zəlzələ yerin 6,81 kilometr dərinliyində baş verib.

Yeraltı təkanlar İstanbul, Ankara, Əskişəhər, Bursa, Kocaeli, Sakarya, Bolu, Ədirnə və bəzi ətraf şəhərlərində də hiss olunub.

Zəlzələ ilə bağlı İstanbul Böyükşəhər Bələdiyyəsinin sədri Əkrəm İmamoğlu, ölkənin daxili işlər naziri Süleyman Soyulu tviter hesablarında paylaşım ediblər. Onlar təbii fəlakət nəticəsində hələ ki, insan təlafatı barədə məlumat daxil olmadığını bildiriblər.

***

Baş verən zəlzələdə 22 nəfər yaralanıb.

Bu barədə məlumatı səhiyyə naziri Fahrettin Koca rəsmi tviter hesabında yazıb.

“Düzce vilayətində 22 yaralımız var. Onlardan biri hündürlükdən tullanıb, ağır vəziyyətdədir. Düzceyə lazımi sayda təcili yardım və mütəxəssis göndərilib”, - nazir qeyd edib.

***

Türkiyənin Fövqəladə Halların İdarə Olunması Agentliyi (AFAD) zəlzələ nəticəsində yaralanların sayının 35 nəfərə çatdığını bildirib.

Məlumata görə, Düzcedə 32, İstanbulda 1, Zonguldakda 1 və Boluda 1 nəfər xəsarət alıb. Düzcedə yaralanan şəxslərdən birinin vəziyyəti ağırdır. 

***

Təbii fəlakət nəticəsində yaralananların sayı 46-ya çatıb.

***

Zəlzələdə xəsarət alanların sayı artaraq 50-yə yüksəlib.

***

Türkiyədə zəlzələdən sonra iki nəfər ürəktutmadan dünyasını dəyişib. Onlardan biri 48 yaşlı Hikmət Çələbi, digəri isə 63 yaşlı Sevim Çengeldir. Sözügedən şəxslər zəlzələdən sonra yaşadıqları həyəcan səbəbindən ürəktutmadan vəfat ediblər. 

Aftafa.tv

Paylaş:

Digər xəbərlər

Xəbər lenti

image

Dörd rayonda qaz olmayacaq

  • 28.03.2024 - 13:36
image

Sabah 21° isti olacaq

  • 27.03.2024 - 17:45
image

Sabahdan tətil başa çatır

  • 26.03.2024 - 09:25