“ABŞ-nin Ukraynaya 2023-cü il üçün etibarlı hərbi, humanitar, iqtisadi və enerji yardım planı var”.

Bunu ABŞ prezidentinin milli təhlükəsizlik üzrə müşaviri Ceyk Sallivan Demokratlar və Respublikaçılar arasında Ukraynaya dəstək məsələsində iddia edilən fikir ayrılığını şərh edərkən deyib.

O qeyd edib ki, amerikalıların əksəriyyəti Ukraynanı dəstəkləyir - həm demokratlar, həm də respublikaçılar bu dəstəyə arxalanırlar. Onun fikrincə, bu məsələdə dərin fikir ayrılıqlarından danışmaq yersizdir.

Sallivan onu da deyib ki, ABŞ-nin Ukraynaya kömək etmək üçün etibarlı və sübut edilmiş planı var. O xatırladıb ki, Ağ Ev 2023-cü ildə Ukraynaya kömək üçün 37 milyard dollar ayrılmasını istəyib, lakin ABŞ Konqresi bu məbləği 45 milyard dollara çatdırıb. 

“Ukraynanı dəstəkləmək üçün resurslarla təmin etmək qabiliyyətimiz 2023-cü il ərzində təsdiqlənir və sarsılmazdır”, - deyə o əlavə edib.

Aftafa.tv

• Teqlər:
• Ukrayna
• Xerson
• Rusiya