“Kiçikyaşlı uşaqların yarma sıyığı ilə qidalanması məsləhət görülmür”

Xəbər verilir ki, bu sözləri Səhiyyə Nazirliyinin “Instagram” səhifəsində canlı yayımda nazirliyin mütəxəssis eksperti, pediatr Tərlan Əyyubov deyib.

Onun sözlərinə görə, dəmiri özünə birləşdirib, yenidən bədəndən çıxaran qidalar tövsiyə olunmur:

“Qanazlığının qarşısını almaq üçün dənli bitkilərdən, ət və ət məhsullarından daha çox istifadə edilməlidir”.

T.Eyyubov qeyd edib ki, qanazlığından əziyyət çəkən uşaqlar oksigen çatışmazlığından əziyyət çəkirlər:

“Qanazlığından əziyyət çəkənlər təngnəfəs olurlar. Çünki qan az olanda oksigen normal şəkildə çatmır. Bu, ürəkdə gərginliyə səbəb olur. Əlamətlərə diqqət edilməli, vaxtında həkimə müraciət olunmalıdır. Qanın ümumi analizini verməklə bunu müəyyənləşdirmək mümkündür”.

Aftafa.tv