Putindən MARAQLI addım - 4 ildən sonra ləğv etdi
Putindən MARAQLI addım - 4 ildən sonra ləğv etdi
Rusiya prezidenti Vladimir Putin Rusiya ilə Gürcüstan arasında birbaşa aviareyslərə qoyulan qadağanı və Gürcüstan vətəndaşları üçün viza rejimini ləğv edib.
Xəbər verilir ki, qərar rəsmi Tiflisin Ukraynaya birbaşa dəstəkdən faktiki olaraq geri çəkilməsi fonunda qəbul edilib.
Xatırladaq ki, Rusiya Dövlət Dumasının deputatı Sergey Qavrilovun Gürcüstan parlamentindəki çıxışından sonra Tiflisdə keçirilən kütləvi etiraz aksiyalarına görə 2019-cu ilin iyunundan Rusiya ilə Gürcüstan arasında birbaşa uçuşlar dayanmışdı. Həmin vaxt rusiyalı deputat Gürcüstan parlamentinin spikerinin kreslosuna oturub rusca danışmışdı. Qavrilov yalnız güclü mühafizə altında Gürcüstanı tərk edə bilmişdi.
Gürcüstan Milli Statistika Xidmətinin məlumatına görə, 2022-ci ildə, əsasən, Ukrayna ilə savaş başladıqdan sonra bu ölkəyə 62 mindən çox rus və əvvəllər Rusiyada yaşayan on minlərlə gürcü mühacirət edib.
Aftafa.tv
