Amerika yazıçısı Stiven Kinq koronavirus haqqında kitab yazmaq istədiyini açıqlayıb. Bunun üçün o, 2020-ci illərin hadisələrindən istifadə etmək və bu hadisələrin özünü romanda necə göstərəcəyinə baxmaq istədiyini izah edib.

Xəbər verilir ki, bu barədə King özü "The View” tok-şousunda məlumat verib.

Stiven Kinq daha sonra əlavə edib ki, koronavirus haqqında 2021-ci il avqustun 3-də çıxan “Billi Sammers” detektiv romanında da bəhs edib. Romanın qəhrəmanları dəniz səyahətinə yollanırlar, lakin koronavirusla bağlı məhdudiyyətlər tətbiq olunduğundan 2020-ci ildə bu mümkün deyildi. Odur ki, yazıçı hadisələri 2020-ci ildən 2019-cu ilə keçirməyə məcbur olub ki, süjet inandırıcı görünsün.

Stiven Kinq öz ədəbi karyerası boyunca 50-dən çox roman yazıb və bu romanlar təxminən 350 milyon nüsxədən artıq tirajla çap olunub. Onun ilk əsəri “Kerri” 1970-ci ilin ortalarında işıq üzü görüb. Bundan sonra çapdan çıxan “Parıltı” romanı yazıçıya dünya şöhrəti qazandırıb.

Aftafa.tv

• Teqlər:
• yazıçı
• StivenKinq
• covid19