Hadrutlular İrəvanın Respublika meydanında etiraz aksiyası keçirir.

Xəbər verilir ki, bu haqda erməni medası məlumat yayıb. Hadrutu tərk etmiş ermənilər aksiyada problemlərini dilə gətiriblər.

“Bizim dörd sualımız var, cavablarını alacağımızı gözləyirik. Hamımız öz evlərimizə Hadruta qayıtmaq istəyirik. Bu, bizim birinci tələbimizdir və hakimiyyət bu barədə təcili düşünub qərara qəbul etməlidir.

İkincisi isə bizim status məsələmiz hələ də həll olunmamış qalıb və bundan da narahatıq.

Üçüncü əsas məsələ bizi yaşamaq üçün evlə təmin etmək, dördüncüsü isə Hadrutdan köç edənləri çox narahat edən sosial durumumuzdur”, – deyə Hadrut sakinlərindən biri bildirib.

44 günlük Vətən Müharibəsindən sonra Hadrut erməniləri bir ildən artıqdır ki, Ermənistana köçürülüb, sosial yardımdan məhrum olduqları səbəbindən ağır durumda yaşadıqlarını hakimiyyət səlahiyyətlilərinə bildirmək üçün uzun müddətli etiraz aksiyasını davam etmək niyyətində olduqlarını bildirirlər.

Hardrut sakinləri sosial yardım proqramlarından istifadə etdiklərini, lakin dövlət tərəfindən bu vəziyyətdə olan insanlar üçün az məbləğ ayrıldığını qeyd edirlər.

Aftafa.tv

• Teqlər:
• Ermənistan
• Yerevan
• Aksiya