Baş Prokurorluq Eldar Mahmudovun əmisi oğlu ilə bağlı qərardan protest verdi
Baş Prokurorluq Eldar Mahmudovun əmisi oğlu ilə bağlı qərardan protest verdi
Baş Prokurorluq keçmiş milli təhlükəsizlik naziri Eldar Mahmudovun əmisi oğlu Vüqar Mahmudovun barəsində olan hökmdən apellyasiya protesti verib.
Xəbər verilir ki, bununla bağlı dövlət ittihamçısı Bakı Apellyasiya Məhkəməsinə müraciət edib.
Belə ki, Baş Prokurorluq birinci instansiya məhkəməsinin V.Mahmudovun əmlakları ilə bağlı çıxardığı hökmdən narazı qalıb.
Məlumata görə, apellyasiya protestinin verilmə müddəti başa çatıb. Prokurorluq isə müddətin bərpası üçün Bakı Hərbi Məhkəməsinə müraciət edib. Məhkəmə müraciəti təmin edib.
Bakı Apellyasiya Məhkəməsində keçiriləcək apellyasiya protesti üzrə məhkəmə iclası fevralın 3-nə təyin edilib.
Apellyasiya protesti hakim Elmar Rəhimovun icraatına verilib.
Qeyd edək ki, keçmiş milli təhlükəsizlik naziri E.Mahmudovun əmisi oğlu V.Mahmudov 2017-ci il noyabr ayının əvvəlində həbs edilib.
Aftafa.tv
