Cəlilabadda baş verən bıçaqlanma hadisəsi ilə bağlı cinayət işi başlanıb.

Cəlilabad rayon prokurorluğundan verilən məlumata görə, aprelin 14-də saat 21 radələrində Cəlilabad rayonu, Ocaqlı kənd sakini 1988-ci il təvəllüdlü Əliyev Ceyhun Cabir oğluna bıçaqla xəsarətlər yetirilməsi, atası 1964-cü il təvəllüdlü Əliyev Cabir Saleh oğlunun isə bıçaqlanaraq öldürülməsi barədə rayon prokurorluğuna məlumat daxil olub.

Aparılmış ilkin araşdırmalarla Ceyhun Əliyevin tanışı, əvəllər məhkum olunmuş Niftullayev Ragin Mirzəbala oğlunun şəxsi münasibətlər zəminində aralarında yaranmış mübahisə zamanı bıçaqla Ceyhun Əliyevə çoxsaylı xəsarətlər yetirməsinə, daha sonra həmin bıçaqla sonuncunun atası Cabir Əliyevə xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı Cəlilabad rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ragin Niftullayev şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq hərəkətləri davam etdirilir.

Cəlilabad rayonunda qətl hadisəsi baş verib.

Xəbər verilir ki, hadisə aprelin 14-də, axşam saat 10 radələrində rayonun Qarazəncir kəndində qeydə alınıb.

Rayonun Günəşli kənd sakini olan 40-45 yaşlarında Raqif Ağayev Ceyhun Əliyev adlı şəxsi və onun atası Cabir Əliyevi bıçaqlayıb. Hadisə nəticəsində Cabir Əliyev vəfat edib, oğlu Ceyhun Əliyevin isə vəziyyəti ağırdır.

İlkin məlumata görə, qətl qısqanclıq zəminində baş verib. Belə ki, R. Ağayev həyat yoldaşının Ceyhun Əliyevlə münasibətlərindən şübhələnib. Bundan sonra onun yaşadığı evə gəlib. Onu Ceyhunun atası Cabir Əliyev qarşılayıb. Raqif özü ilə gətirdiyi bıçaqla Cabir Əliyevi ürəyindən vurub, daha sonra onun oğlu Ceyhunu da sinə, qol və ayaq nahiyəsindən bıçaqlayıb.

Faktla bağlı araşdırma aparılır.

Aftafa.tv

• Teqlər:
• RaginNiftullayev
• Cəlilabad