Rusiya qoşunları geri çəkilir: “Yaxından izləyirik”
Rusiya qoşunları geri çəkilir: “Yaxından izləyirik”
ABŞ Rusiya qoşunlarının Ukrayna ilə sərhəddən çıxarılmasını çox yaxından izləyir.
Xəbər verilir ki, bunu ABŞ Dövlət katibi Entoni Blinken “CBS News”a verdiyi müsahibəsində söyləyib.
O, 2014-cü illə müqayisədə Ukrayna ilə sərhəddə çox sayda Rusiya hərbi qüvvəsinin cəmləşdiyini bildirib. Eyni zamanda diplomat Rusiyanın artıq qoşunlarını geri çəkməyə başladığını da qeyd edib. Dövlət katibi “Biz bunu çox yaxından izləyirik”, - deyib
Bundan əvvəl Blinkenin 5-6 may tarixlərində ABŞ Prezidenti Co Bayden və Rusiya lideri Vladimir Putin arasında mümkün görüş ərəfəsində Ukraynaya səfər edəcəyi məlum olub. Dövlət Departamentinin verdiyi açıqlamada dövlət katibinin Prezident Vladimir Zelenski və xarici işlər naziri Dmitri Kuleba və digər dövlət rəsmiləri ilə görüşəcəyi vurğulanıb.
Aftafa.tv
