Hakerlər ABŞ-ın Çindəki səfiri Nikolas Bernsin elektron poçtunu sındırıblar.

Xəbər verilir ki, bu barədə “The Wall Street Journal” yazır.

Hakerlərin Çin rəsmiləri ilə əlaqəli olduğu bildirilir. Nəşr qeyd edir ki, Çinlə əlaqəli hakerlər ABŞ hökumətinin yüz minlərlə mesajına giriş əldə ediblər. Bu vasitə ilə hakerlər Vaşinqtonun ABŞ administrasiyasının yüksək rütbəli rəsmilərinin Çinə planlaşdırdığı silsilə səfərləri və ABŞ-ın Çinə qarşı siyasəti ilə bağlı departamentdaxili müzakirələr barədə məlumat əldə edə bilər.

Kiberhücumlar may ayında başladı, lakin ilk dəfə iyunun ortalarında ABŞ Dövlət Katibi Entoni Blinkenin Çinə səfəri ərəfəsində aşkar edildi.

Aftafa.tv