Asiyanın ən varlı adamı, təqribən 113 milyard dollar dəyərində sərvəti olan Mukeş Ambani iki zeytun ağacına 100.000 dollardan çox pul xərcləyib. O hesab edir ki, zeytun insanlara uğur gətirir.

Xəbər verilir ki, 2021-ci ilin sonunda maqnat Jamnagardakı geniş mülkü üçün yaşı 170 ilə 200 arasında dəyişən iki nadir zeytun ağacı almağa qərar verib.

Hindistanda yetişdirilmədiyi üçün çox bahalı olan həmin zeytun ağacları İspaniyadan gətirilib. “The Hindu”nun yazdığına görə, zeytun ağacları İspaniyadan gətirildikdən sonra yük maşını ilə 1800 km kənardakı tinglikxanaya aparılıb.

Zeytun ağaclarına altı nəfərdən ibarət xüsusi komanda iki il ərzində qulluq edib. Onları yetişdirən komanda optimal torpaq şəraitini təmin etməli və ağacların 12 futdan artıq böyüməməsinə əmin olmalı idi.

Hindistan mediasının yazdığına görə, zeytun ağaclarının təkcə daşınma xərcləri 4000 dollar təşkil edib.

Milyarder hesab edir ki, biri 60 min dollar dəyərində olan iki ağac ona sonsuz şanslar bəxş edəcək.

Aftafa.tv