Çinin smartfon və məişət texnikası istehsalçısı “XiaoMi” martın 28-də ilk elektrik avtomobili olan “SU7” sedanını təqdim edəcək.

Bu barədə şirkətin baş direktoru Ley Tszyun sosial şəbəkəsindəki səhifəsində bildirib.

Bildirilir ki, elektrikli avtomobilin rəsmi təqdimatı martın 28-də başlayacaq. Martın 25-dən etibarən elektromobili sınaqdan keçirmək mümkün olacaq. Şirkət hələlik avtomobilin qiymətini açıqlamayıb, lakin bundan əvvəl qeyd edilib ki, 500 min yuan (təxminən 70 min dollar) dəyəri olan “SU7”nin rəqibləri azdır.

“Əgər siz bir avtomobil istəyirsinizsə və ən qabaqcıl ağıllı texnologiyaya, eləcə də heyrətamiz sürücülük təcrübəsinə sahib olmaq istəyirsinizsə, əminəm ki, “XiaoMi”nin “SU7” modeli sizin ilk seçiminiz olacaq”, - deyə Ley Tszyun yazıb.

Aftafa.tv