Emin Ağalarov model olmaq istəyənlərə səsləndi
Emin Ağalarov model olmaq istəyənlərə səsləndi
Xalq artisti Emin Ağalarov bir müddət əvvəl rus mediasına müsahibəsi zamanı “Jara” adı altında model agentliyi açmaq istədiyini və “Miss Jara” gözəllik müsabiqəsi keçirməyi planlaşdırdığını bildirib.
Xəbər verilir ki, sənətçi artıq bu planını reallaşdırmağa başlayıb.
Belə ki, E.Ağalarov şəxsi “Instagram” hesabında artıq agentliyin yaradıldığını və seçim turları üçün xanım və bəy modellərin dəvət olunduğunu deyib:
“Dostlar, “Jara model” layihəmizə rəsmi olaraq start verdik. Artıq layihənin “Instagram” hesabına abunə olaraq xəbərləri mütəmadi olaraq izləyə bilərsiniz.
Biz hər bir iştirakçının karyerasının inkişafı və pul qazanması üçün xidmətlər və imkanlar paketi təqdim edəcəyik.
Biz öz bazamızda istənilən yaş və parametrlərə sahib olan bütün qız və oğlanlar üçün nəzərdə tutulan model məktəbləri şəbəkəsini birləşdirəcəyik. Onların "Jara" holdinqin tədbirlərində iştirak etmək imkanları da olacaq”.
Aftafa.tv
