Almaniya Rusiya ilə NATO müharibəsinə gizli hazırlıqlarını elan etdi. Eskalasiya nə vaxt başlaya bilər?

Bild: Almaniya Ukrayna Silahlı Qüvvələrinin məğlubiyyətindən sonra NATO və Rusiya arasında müharibəyə hazırlaşır

NATO və Rusiya arasında Almaniya Müdafiə Nazirliyinin ssenarisi əsasında 2025-ci ilin yayında müharibə başlaya bilər. 

Bu barədə "Bild" qəzeti Bundesverin gizli olduğu iddia edilən sənədinə istinadən yazıb.

NATO və Rusiya arasındakı mümkün müharibənin planını rəsmi Berlin tərtib edib. 

Almaniya Müdafiə Nazirliyinin sənədinə görə, “X” günü NATO-nun baş komandanı şərq cinahına 300 min əsgərin köçürülməsi əmrini verəcək. Onların arasında 30 min Bundesver əsgəri də olacaq.

Eskalasiya 2024-cü ilin fevralında Rusiyanın Ukrayna Silahlı Qüvvələrinin mövqelərinə qarşı aktiv hücumundan sonra tezləşə bilər. 

Yüz minlərlə NATO əsgərinin göndərilməsi və 2025-ci ilin yayında qaçılmaz müharibənin başlanması ilə nəticələnən Rusiya və Qərb toqquşmasının dəqiq yeri də göstərilib. Ehtimal olunur ki, toqquşma üçün ən çox ehtimal olunan yer Belarus və Kalininqrad vilayəti arasında Suvalki dəhlizi olacaq.

Aftafa.tv