Respublikaçı senator Lindsey Qraham ABŞ prezidenti Co Baydeni İranın neft emalı zavodlarını vurmağa çağırıb və ABŞ-nin 2024-cü ildə İranla müharibə edəcəyini proqnozlaşdırıb.

Xəbər verirlir ki, Qraham bu barədə "Fox News" telekanalına danışıb. 

Amerikalı siyasətçi deyib ki, o, Co Bayden administrasiyasının “hər il” icazə verdiyi müharibələri pisləyir.

"Mən İranı işğal etməyi tələb etmirəm. Amma mən prezident Baydenə deyəcəyəm: problemin mənbəyinə gedin. Əgər siz İranın neft infrastrukturuna hücum etməsəniz, onların pul kisəsini vurmasanız və sizdən qorxmasına şərait yaratmasanız, onlar bizim əsgərlərimizə hücum etməyə davam edəcəklər", - senator əlavə edib.

Bundan əvvəl ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirmişdi ki, Yaxın Şərqdə ABŞ ordusuna edilən hücumlardan sonra “uyğun gördükləri” vaxtda cavab veriləcək.

Aftafa.tv