"Tottenhem"in yarımmüdafiəçisi İv Bisuma Fransada olarkən qarət edilib.

Xəbər verilir ki, malili futbolçu gözyaşardıcı qaza məruz qalıb və onun saatı da oğurlanıb. Məlumata görə, saatın dəyəri 293 min avrodan (təxminən 543 min manat) çoxdur.

Bissumanın üzünə gözyaşardıcı qazın sıçradığı, bundan sonra təcavüzkarların onun qolundan qol saatını qopardıqları bildirilir. Yarımmüdafiəçi yaxınlıqdakı oteldə gizlənməyə çalışdığını, lakin onun qapılarının bağlı olduğunu bildirib.

Polis araşdırmalara başlayıb.

Aftafa.tv