“Vəziyyət qorxuncdur” – Kremldən MDB-də müharibə xəbərdarlığı
“Vəziyyət qorxuncdur” – Kremldən MDB-də müharibə xəbərdarlığı
Kremlin sözçüsü Dmitri Peskov Ukraynanın cənub-şərqindəki (Donbas) vəziyyəti “qorxunc” adlandırıb.
O, bu barədə jurnalistlərə açıqlamasında danışıb.
“Donbasda - təmas xəttindəki mövcud vəziyyət qorxuncdur”, - Peskov bildirib.
O, Ukrayna ordusunu atəşkəs rejimini pozmaqda ittiham edib.
Peskov bundan əvvəl Rusiya hərbçilərinin hazırda Ukrayna ərazisindəki silahlı qarşıdurmalarda iştirak etmədiyini və heç vaxt iştirak etməyəcəyini iddia edib.
O, Donbasdakı münaqişəni “Ukraynadakı daxili qarşıdurma” adlandırıb.
Ukrayna Prezidenti Aparatı rəhbərinin müavini Roman Maşovets isə respublika ilə həmsərhəd olan NATO ölkələrinə qoşunlarının döyüş hazırlığı səviyyəsini artırmaq üçün çağırış edib. O, Donbasdakı vəziyyətin kəskinləşdiyini deyib.
Ukrayna Xarici İşlər Nazirliyinin başçısı da öz növbəsində Donbasdakı eskalasiyanı son illərin “ən böyüyü” adlandırıb.
Aftafa.tv
