Blinken Lavrovdan Ukraynadan taxıl ixracına mane olmamağı tələb edib
Blinken Lavrovdan Ukraynadan taxıl ixracına mane olmamağı tələb edib
ABŞ dövlət katibi Entoni Blinken G-20 sammitində Rusiyadan Ukrayna ərazisindən taxıl ixracına mane olmamağı tələb edib.
Xəbər verilir ki, bu barədə “Associated Press” məlumat yayıb.
Bildirilib ki, Blinken bu barədə qapalı iclasda Rusiyanın xarici işlər naziri Sergey Lavrova müraciət edərək müvafiq bəyanatla çıxış edib:
“Rusiyalı həmkarlarımıza müraciət edirəm: Ukrayna sizin ölkəniz deyil. Onun taxılı sizin taxılınız deyil. Niyə limanları bağlayırsız?”.
Qeyd edək ki, G-20 ölkələrinin XİN rəhbərlərinin bu dəfəki görüşünün əsas mövzularından biri ərzaq təhlükəsizliyi olub.
Xatırladaq ki, G-20 sammitinin iştirakçıları Rusiyanın xarici işlər naziri Sergey Lavrovla xatirə fotosu çəkdirməkdən imtina etmişdilər.
Aftafa.tv
