24 yaşlı ana doğuşdan sonra ölüb
24 yaşlı ana doğuşdan sonra ölüb
Bərdə rayonunda ana doğuşdan sonra ölüb.
Xəbər verilir ki, hadisə ötən gün baş verib.
Bərdə rayon Mərkəzi Xəstəxanasının doğum şöbəsinə gətirilən Tərtər rayonu Əskipara kənd sakini, 24 yaşlı Əsədova Sahilə Natiq qızı qeysəriyyə əməliyyatından bir neçə gün sonra dünyasını dəyişib.
O, iyulun 5-də uşaq dünyaya gətirmək üçün xəstəxanaya müraciət edib. S.Əsədova qeysəriyyə əməliyyatından sonra böyrək çatışmazlığı diaqnozu ilə xəstəxanada saxlanılıb. O, ötən gün xəstəxanada dünyasını dəyişib.
Xəstəxanadan bildirilib ki, S.Əsədovanın dünyaya gətirdiyi körpənin vəziyyəti yaxşıdır, səhhətində heç bir problem yoxdur.
Bu, S.Əsədovanın ikinci hamiləliyi olub.
Aftafa.tv
