Rusiya prezidentinin mətbuat katibi Dmitri Peskov deyib ki, hələlik Rusiyada sərhədlərin bağlanması ilə bağlı heç bir qərar qəbul edilməyib. 

Xəbər verilir ki, bu barədə “İnterfaks” yazıb. Bununla bağlı sualı cavablandıran Peskov “Mən bu barədə heç nə bilmirəm, hazırda bununla bağlı heç bir qərar verilməyib” – deyib. Xəbər verildiyi kimi, Rusiya mətbuatı Kremldə ölkədə hərbi vəziyyətin tətbiqi və sərhədlərin bağlanması imkanlarını müzakirə etdiyi barədə məlumat yayıb. “Novaya qazeta”nın məlumatına görə, səfərbərlik elan edildikdən sonra sentyabrın 21-dən sentyabrın 24-dək Rusiyanı 261 min kişi tərk edib.

Aftafa.tv