"İnter Mayami"də çıxış edən argentinalı dünya çempionu Lionel Messi komandadan ayrılacağı ilə bağlı deyilənləri təkzib edib.

Xəbər verilir ki, o, karyerasını MLS komandasında davam etdirəcəyini bildirib:

"Yanvarda Mayamiyə qayıdacağam ki, mövsümöncəsi məşq edim. Hər şeyə sıfırdan başlayacağam və həmişə olduğu kimi, mümkün olan ən yaxşı şəkildə hazırlaşacağam".

"İnter Mayami"nin MLS-də pley-off mərhələsinə vəsiqə qazana bilməməsi haqda danışan argentinalı ulduz bunun utancverici olduğunu dilə gətirib:

"Bu, utancvericidir. Çox yaxın idik. Son bir neçə matçı buraxdım. Bir neçə zədəm var idi. İyul ayı bizim üçün çətin ay oldu. 3 gündən bir oyun keçirdik, səyahət etdik. Amma klub və gələcək üçün çox vacib olan turnirdə qalib gəldik”.

Aftafa.tv