Ukrayna Qarabağdakı hərbi əməliyyatları olduqca diqqətlə öyrənir. Ukrayna Baş Qərargahı xüsusilə zərbə dronlarının uğurlu təcrübəsi ilə maraqlanır.

Aftafa.tv xəbər verir ki, bu sözləri rusiyalı hərbi ekspert İqor Korotçenko deyib.

Ekspert Ukrayna ilə Türkiyənin təmaslarının intensivləşməsini təsadüfi hesab etməyib:

“Ukrayna Türkiyədən “Bayraqdar” pilotsuz təyyarələrini almaq və bunların ölkədə istehsalını həyata keçirmək istəyir. PUA operatoru üzrə təhsil alan ukraynalı hərbçilər yeni Donbas müharibəsinin olacağı təqdirdə “Bayraqdar”dan aktiv istifadə edəcəklər. Belə əməliyyat mümkündür”.

Qeyd edək ki, son günlər Donbas bölgəsinin konflikt zonasında vəziyyət yenidən gərginləşib. Ötən gün tərəflər arasında daha bir silahlı qarşıdurma müşahidə edilib.

Aftafa.tv

• Teqlər:
• Ukrayna
• Rusiya
• Qarabağ
• Bayraktar