Tanınmış jurnalist Azərbaycandakı bahalıqdan ŞİKAYƏTLƏNDİ
Tanınmış jurnalist Azərbaycandakı bahalıqdan ŞİKAYƏTLƏNDİ
Azərbaycan Turizm Blogerləri Asosiasiyasının sədri, jurnalist Azər Qərib ölkədə hotellərin qiymətlərinin baha olması məsələsinə toxunub.
Verilən məlumata görə, bloger bildirib ki, Azərbaycanda yalnız hotellər deyil, digər ölkələrlə müqayisədə başqa şeylər də bahadır:
“Məsələn bizdə maska 30 qəpikdir, Moskvada 4 qəpik, amma sözüm onda deyil. Hotellərin qiymətləri söhbətinə gələndə nədənsə hamı 5 ulduzlu hotellərin qiymətlərini misal gətirir.
Heç bir ölkədə 5 ulduzlu hotel ucuz deyil, nə rifahlı Avropada, nə acından günorta duran Maldiv adalarında.
Düzdür, xidmət (servis) sarıdan biz hələ ki, beynəlxalq standartlara tam çatmırıq, amma fakt budur ki, 5 ulduzlu hotel ucuz ola bilməz.
Ələlxüsus satış varsa, heç bir sahibkar öz malını ucuz satmaz, bəyənsək də belədir, bəyənməsək də. Yüksək maaş alan Almaniyada da belədir, qəpik-quruş alan Efiopiyada da”.
Onun sözlərinə görə, ölkənin turistik və hotel potensialı 5 ulduzlu hotellərlə ölçülmür:
“Əgər belə hotellərə alternativ varsa, əgər insanlar öz ciblərinə uyğun gecələmə imkanlarını əldə edə bilirlərsə bu, müsbət faktor kimi dəyərləndirilir”.
Aftafa.tv
