"Deputat olduğum illərdə "Respublika” sarayı qarşısında böyük bir tədbir idi. Rayonlardan gələn vətəndaşlar o zaman ki, Səhiyyə naziri Əli İnsanova yaxınlaşaraq nə isə xahiş etdilər.

Əli İnsanov da onları təhqir etdi. Həmin vaxt orada ziyalılar, nazirlər, parlamentin üzvləri, o cümlədən onun ətrafında olan Akif Muradverdiyev, Misir Mərdanov, Abel Məhərrəmov və başqa bir neçə nazir də onun yanında idi. Mən ona dedim ki, sən niyə belə qabliyətsiz hərəkət edib, vətəndaşları təhqir edirsən? Kimsən sən? O mənə kobud cavab verəndə dözməyərək idmançı, boksçu olmağımdan istifadə edərək ona yaxşı bir yumruq tutuzdurdum. Ağzı üstə yıxıldı yerə, pis vəziyyətə düşdü.”
 
Bu sözləri Daşkəsən rayon İcra hakimiyyətinin başçısı Əhəd Abıyev Vətən müharibəsi şəhidi, əsgər Bağırov Elnur Sahib oğlunun adına inşa edilən bulağın açılışında söyləyib.

Aftafa.tv